Элсэлтийн Ерөнхий шалгалтын Монгол хэл, бичгийн шалгалтын бүртгэл өнөөдөр 18.00 цагт дуусна. Элсэлтийн шалгалт өгөхөөр бүртгүүлсэн бүх шалгуулагчдаас монгол хэл, бичгийн шалгалт заавал авдаг. Монгол хэл, бичгийн шалгалтын үндэсний хэмжээний босго оноо 400 байна.

Энэ жилийн элсэлтийн ерөнхий шалгалтын бүртгэл өнгөрсөн хоёрдугаар сарын 19-нд эхэлсэн бөгөөд ирэх дөрөвдүгээр сарын 26-ны 18.00 цагт дуусна.

Сануулахад, Энэ жил нийтдээ ерөнхий боловсролын сургуулийн арванхоёрдугаар ангийг 35485 суралцагчид сурч төгсөх бөгөөд нийт төгсөгчдийн 18653 нь орон нутгийн, 16832 нь нийслэлийн суралцагчид байна. Үүн дээр өмнөх оны төгсөгчид нэмэгдэж орно. Энэ жил элсэлтийн шалгалтад 40 мянга орчим шалгуулагч хамрагдана гэсэн урьдчилсан тооцоолол гаргаж, үйл ажиллагааг зохион байгуулж байгаа аж.