2000 оноос хойшхи хамгийн хүчтэй хар салхи БНСУ-ыг чиглэн ирж байгаа талаар албаны хүмүүс анхааруулсаар байна. Bavi нэртэй тус хар салхи нь секундэд 47 метр хүрч ширүүсэх магадлалтай байгаа бөгөөд энэ нь автомашинаар бол 160км/ц давхих хурдтай дүйцэхүйц хүчтэй юм байна.
Тиймээс явган хүн хийсэх хэмжээний хүчтэй Bavi хар салхинаас болгоомжилж шилэн хаалга, цонхондоо наалт наах, гааз хий салгаж явах зэргээр аюулгүй байдлаа хангахыг зөвлөж байна.
Мөн хүмүүс цонхоо хагарахаас болгоомжлон Х хэлбэртэй скотч, сонин наадаг нь үр дүн багатай арга бөгөөд аюулгүй наалт, зөөлөвчийг хүрээ хэсгээр нь скотчдох, цаас сониноор завсар зайгаар нь чигжихийг зөвлөлөө.
