Эрүүл мэндийн яамнаас коронавирусний халдварын нөхцөл байдал, тархалтын талаарх ээлжит мэдээллээ хийлээ.
ХӨСҮТ-ийн Тандалт судалгааны албаны дарга А.Амбасэлмаа:
"2020.08.24 Өчигдөр ХӨСҮТ-ийн 2, ЗООНОЗ өвчин судлалын лаборатори, Дархан-Уул аймгийн нэг лабораторид нийт 1011 хүнд коронавирусний шинжилгээ хийлээ. Бүх шинжилгээний хариунд коронавирус илрээгүй.
Шинжилгээний хариуг задалж хэлвэл:
- ХӨСҮТ-д тусгаарлагдсан 3 хүний шинжилгээ,
- 08.04-нд Алтанбулаг боомтоор орж ирсэн 117 хүний давтан шинжилгээ,
- 08.05-нд Сиатл-УБ чиглэлийн онгоцоор ирсэн 253 хүний давтан шинжилгээ,
- 08.09-нд Франкфурт-УБ чиглэлийн онгоцоор ирсэн 189 хүний давтан шинжилгээ,
- 08.11-нд Прага-УБ чиглэлийн онгоцоор ирсэн 262 хүний давтан шинжилгээ
- Орхон аймагт тусгаарлагдсан 70 хүний давтан шинжилгээ,
- Ажиглах байранд тусгаарлагдсан 20 хүний шинжилгээ,
- Гадаадын улс орон луу явах хүсэлт гаргасан 50 хүний шинжилгээ,
- Эмч ажилчдын 28 хүний шинжилгээ,
- Алтанбулаг боомтоор орж ирсэн 18 жолоочийн шинжилгээнд тус тус коронавирус илрээгүй байна.
МУ-д нийт батлагдсан тохиолдол 298 байна. Үүнээс 289 иргэн эдгэрсэн байна. Эдгэрсэн хүмүүсээс сувиллын ажиглалтанд 31 хүн, гэрийн ажиглалтанд 40 хүн байна. Ажиглалт, тусгаарлалтын хугацаа дууссан 218 хүн байна.
ХӨСҮТ-д одоо 9 хүн эмчлэгдэж байна. 8 хүний биеийн байдал хөнгөн, 1 хүний биеийн байдал хүнд байна" гэлээ.
