Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч П.Сайнзориг дэд бүтцийн хүртээмжийг сайжруулж, хомсдлыг арилгах хуулийн төслийг боловсруулж, холбогдох яаманд хүргүүлэхээр ажиллаж байгаа тухайгаа өөрийн цахим хуудсаараа дамжуулан мэдээллээ. Тодруулбал тэрбээр, "Бүс, нийслэлийн дэд бүтцийн хомсдол, дутагдлыг арилгах, дэд бүтцийн хүртээмжийг сайжруулах үүднээс холбогдох хуулийн төслийг боловсруулж, салбарын яаманд хүргүүлэх зорилгоор ажлын хэсэг ажиллаж байна" хэмээжээ.