Хөвсгөл аймагт мэргэжлийн байгууллагын хэмжилтээр мөсөн бүрхүүлийн зузаан олон жилийн дунджаас бага, зарим гол мөрнүүд харзалсан, нийт уртын дагуу мөсний өөр өөр үзэгдэлтэй байгаа тул холбогдох байгууллагуудын саналыг үндэслэн болзошгүй эрсдэлээс урьдчилан сэргийлэх зорилгоор мөсөн дээгүүр тээврийн хэрэгсэлтэй зорчихыг хориглосон байна.

Ус цаг уур орчны шинжилгээний төвөөс Хөвсгөл нуур болон томоохон гол, мөрөн дээр мөсний зузаан хэмжилтийг хийхэд Хатгал тосгоны усан замаас Сомо хад, Ханх сум орчим, Агьтын амнаас Хороо голын цутгал хүртэл тодорхой цэгүүдэд хэмжилт хийхэд мөсний зузаан 45-65 см харилцан адилгүй зузаантай, мөсөн бүрхүүлийн гадаргуу дээр 3-8 см цасан бүрхүүлтэй байна.