Замын хөдөлгөөний түгжрэл, ачааллыг бууруулах зорилгоор 2023 оны арванхоёрдугаар сарын 18-наас 2024 оны нэгдүгээр сарын 31-нийг дуустал автомашиныг улсын дугаарын тэгш, сондгойгоор замын хөдөлгөөнд оролцуулахаар шийдвэрлэсэн байдаг.
Тэгвэл тэгш, сондгой дугаарын хязгаарлалт хийснээрээ автозамын түгжрэл хэдэн хувиар буурсан, ямар өөрчлөлтүүд гарсан талаар Замын хөдөлгөөний удирдлагын төвийн хөдөлгөөн зохицуулалт, хяналтын дарга Н.Намуугаас тодрууллаа.
Тэрбээр "Тэгш, сондгой дугаарын хязгаарлалт үйлчилснээс хойш зам тээврийн осол 31 хувиар буурсан бол замын хөдөлгөөний саад 65 хувиар тус тус буурсан" гэлээ.
