Коронавирус: Дэлхий дээрх нийт тохиолдлын тоо 20 сая 800 мянга болж нэмэгдлээ.
Ливан: Дэлбэрэлт болсноос хойш нэг долоо хоног өнгөрсөн хэдий ч Бейрутын боомт үйл ажиллагаагаа хэсэгчилсэн байдлаар явуулж эхэллээ.
Майкрософт: Ирэх есдүгээр сарын 10-ны өдөр тус компани өөрсдийн анхны андройд үйлдлийн системт 1400 ам.долларын үнэтэй Surface Duo гар утсаа танилцуулна.
Шинэ Зеланд: 102 хоногийн турш коронавирусний шинэ тохиолдол бүртгэгдээгүй байсан тус улсад 14 тохиолдол шинээр бүртгэгдэж Окланд хотод хөл хорио тогтоолоо.
Энэтхэг: Исламын шашныг үндэслэгч Мухаммедийг доромжилсон гэх Фейсбүүк дээрх бичлэгийн улмаас 110 гаруй хүн бослого гарган цагдаа руу гал нээж 3 хүн нас баржээ.
Нидерланд: Нууц лабораторид 7 тэрбум ам.долларын үнэ бүхий кокайн үйлдвэрлэж байсан 17 хүнийг цагдаа нар баривчилжээ.
Бразил: ОХУ-ын Спутник V вакциныг улсдаа үйлдвэрлэж Бразил болон Латин Америкийн орнуудад тараах ажлыг зохион байгуулна.
