Хянан шалгах Түр хорооноос зохион байгуулж буй нүүрсний хоёр дахь шатны сонсгол хоёр дахь өдрөө үргэлжилж байна. Өнөөдрийн сонсголоор “Эрдэнэс Тавантолгой” ХК-ийн борлуулалтын үйл ажиллагаатай холбоотой 6 сэдвээр нотлох баримтыг шинжлэн судаллаа. Сонсголд УИХ-ын гишүүн асан Т.Аюурсайханыг гэрчээр дуудсан билээ. Түүнд сонсголд гэрчээр оролцох мэдэгдэх хуудсыг цахимаар хүргүүлсэн байна. Гэвч тэрбээр эрүүл мэндийн шалтгаантай тул оролцох боломжгүй тухай хүсэлтээ Түр хороонд ирүүлжээ.