Нүүрсний сонсголын эхний шатны сонсгол /2023.12.05/ хоёр дахь өдрөө Төрийн ордонд үргэлжилж байна. Өнөөдрийн сонсголоор газар олголт, Тавантолгой ХК-ийн нүүрс олборлолтын үйл ажиллагаа, тус компанид эрх бүхий байгууллагуудаас хийсэн хяналт шалгалт тэдгээрийн үр дүнд авсан арга хэмжээг сонсож байна. Нотлох баримтыг шинжлэн судлах өнөөдрийн сонсголд 168 гэрчийг дуудсан.

Тухайлбал, Ерөнхий прокурор асан Д.Дорлигжав биечлэн ирж гэрчээр оролцож байна. Харин Ерөнхийлөгч асан Ц.Элбэгдоржийг гэрчээр дуудсан. Гэвч тэрбээр гадаадад байгаа тул туслахад нь мэдэгдэх хуудас хүргүүлсэн бөгөөд өнөөдрийн сонсголд оролцож боломжгүй гэх хариу иржээ.