Нүүрсний сонсголын эхний шатны сонсгол /2023.12.05/ хоёр дахь өдрөө Төрийн ордонд үргэлжилж байна. Өнөөдрийн сонсголоор газар олголт, Тавантолгой ХК-ийн нүүрс олборлолтын үйл ажиллагаа, тус компанид эрх бүхий байгууллагуудаас хийсэн хяналт шалгалт тэдгээрийн үр дүнд авсан арга хэмжээг сонсож байна.

Энэ үеэр шинжээч Женералтек ХХК-тай холбоотой асуудлыг танилцууллаа. Тодруулбал, тус компанитай 2013 онд 100 мянган тонн нүүрс нийлүүлэх гэрээ байгуулжээ. 19.2 мянган тонн нүүрс нийлүүлсэн гэж бүртгэгдсэн талаар шинжээч дурдсан юм. Тухайн компанийн нэгдмэл сонирхолтой этгээд гэдгээр Ерөнхийлөгч асан Ц.Элбэгдорж, Ерөнхий прокурор асан Д.Дорлигжав нар танилцуулагдлаа.