ЭМЯ-наас Ковид-19-тэй холбоотой цаг үеийн асуудлаар мэдээлэл хийлээ. ХӨСҮТ-ийн Тандалт, судалгааны албаны дарга А.Амбасэлмаа:

"Өчигдөр ХӨСҮТ-ийн вирус судлалын лаборатори, Дархан-Уул аймгийн вирус судлалын салбар лабораторид нийт 615 хүний шинжилгээ хийхэд бүгдэд нь коронавирус илрээгүй байна.

Үүнд:

• Долдугаар сарын 15-нд Сөүл-Уб-ын онгоцоор ирсэн зорчигчдын давтан шинжилгээ,
• Долдугаар сарын 21-нд Токио-Уб-ын онгоцоор ирсэн хүмүүсийн давтан шинжилгээ,
• Долдугаар сарын 22-нд Австралийн онгоцоор ирсэн Оюутолгойн ажилчдын шинжилгээ,
• Тандалтын зорилгоор хийсэн 16 хүний сорьц,
• ХӨСҮТ-д тусгаарлагдсан 2 хүний давтан шинжилгээ,
• Ажиглах байр болон бүс нутагт үйл ажиллагаа явуулж байгаа 19 эмч, ажилчдын шинжилгээ,
• Алтанбулгийн боомтоор орж ирсэн 28 жолоочийн шинжилгээ,
• Сэлэнгэ аймагт тусгаарлагдаж буй 2 хүний давтан шинжилгээ,
• Замын-Үүдээр орж ирсэн ачаа тээврийн 100 жолоочийн шинжилгээнд тус тус коронавирус илрээгүй.

Өнөөдрийн байдлаар Халдвартын клиникээс 14 хүн эдгэрч, эмнэлгээс гарч байна. Энэ хүмүүс долдугаар сарын 12, 14-нд ирсэн энхийг сахиулагч дайчид байгаа." гэлээ.