ХХААХҮ-ийн сайд асан Т.Бадамжунайгийн шүүхийн урьдчилсан хэлэлцүүлэг Баянзүрх, Чингэлтэй, Сүхбаатар дүүргийн шүүхэд болж байна.

Шүүх хуралдааны эхэнд хэвлэлийнхнийг шүүх танхимд оруулахаар болсон ч төрийн нууцтай холбоотой асуудал яригдах учраас шүүх хуралдааныг бүхэлд нь хаалттай явуулж өгөх хүсэлтийг Т.Бадамжунайгийн өмгөөлөгч гаргалаа.

Өмгөөлөгчийн хүсэлтийг прокурор дэмжиж, шүүх хүлээн авлаа. Ингэснээр урьдчилсан хэлэлцүүлэг хаалттай үргэлжилж байна.

Т.Бадамжунайг "Шувуу" ажиллагааны хүрээнд Филиппин улсын Сэбү хотоос авч ирэн, эрх мэдэл, албан тушаалын байдлаа урвуулан ашиглах, хахууль өгөх, мөнгө угаах гэмт хэрэгт холбогдуулан яллагдагчаар татсан байдаг.