Улсын Онцгой комиссын ээлжит хуралдаан боллоо.  Бүх шатны боловсролын байгууллагын үйл ажиллагааг эхлүүлэх, хэрхэн зохион байгуулах талаарх мэдээллийг БШУ-ны сайд Л.Цэдэвсүрэн  хийлээ. 

БШУ-ны сайд Л.Цэдэвсүрэн: Сургуулийн өмнөх боловсролд 306 мянган хүүхэд, Ерөнхий боловсролын сургуульд 682 мянган хүүхэд, их дээд сургуульд 150 гаруй мянган хүүхэд элсэн суралцана. 
Бид бүх шатны боловсролын байгууллагын үйл ажиллагааг ямар үе шаттайгаар нээж болохыг судалсан. Үүнийгээ өнөөдөр УОК-т танилцуулж, тодорхой чиглэл авсан. 
Маргаашийн Засгийн газрын хурлаар эцэслэн шийднэ. Засгийн газрын хурлаас шийдвэр гарсны дараа Боловсролын яам тусгай хэвлэлийн хурал хийнэ" гэв.