Өнөөдөр 20.00 цагийн орчимд орсон борооны улмаас БЗД-ийн 21, 27 дугаар хороо Дарь-Эх орчимд үер буусан. Улмаар цахилгааны шон унаж, 3 хүн тогонд цохиулснаас 28, 60 настай хоёр хүн нас барсан.
Тэгвэл 10 сартай хүүхэд урссан байж болзошгүй тул хүүхдийг цагдаа, онцгой байдлын албан хаагчид эрэн хайж байгаа аж. Тодруулбал, аав ээжтэйгээ машинд зорчиж явсан 10 сартай хүүхдийг эрэн хайж байгаа дуудлага иржээ. Хүүхдийн аав, ээж эмнэлэгт ухаангүй байдалтай байгаа юм байна.
Энэ талаарх мэдээллийг бид эргэн хүргэх болно.
Нэмэлт мэдээлэл: 10 сартай хүүхэд байсан гэх машиныг олсон. Гэвч дотор нь хүүхэд байгаагүй аж. Тиймээс хүүхдийг эрэн хайх ажлыг үргэлжлүүлж байна.
