Цахим орчинд нэгэн Монгол иргэн Японы жуулчинг дээрэмдэж улмаар зодож, танхайрсан гэх мэдээлэл тархсан. Тэгвэл бид уг асуудлаар тухайн иргэнээс тодруулга мэдээлэл авлаа.

Тэрбээр, "Би тухайн Япон жуулчинг зодож, дээрэмдээгүй. Бид хоёр Японоор ярьж байсан учраас хүмүүс ойлгоогүй байх. Бидний хооронд дундын маргаан байсан. Гэхдээ зарим хүмүүсийн хэлж байгаачлан зодож, цохисон зүйл байхгүй. Цахим орчинд явж байгаа мэдээлэл худлаа. Тиймээс цагдаагийн байгууллагад өргөдөл гаргасан. Цаашид ийм шүүлтүүргүй, худал мэдээлэлд хуулийн хариуцлага хүлээлгэдэг хууль, эрх зүйн орчинтой болмоор юм байна" гэлээ.