Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жил, Ардчилсан хувьсгалын 33 жилийн ойн Үндэсний их баяр наадмын хүчит бөхийн долоогийн даваа үргэлжилж байна.
Шөвгийн наймд үлдсэн бөхчүүдээс Архангай аймгийн харьяат улсын гарьд М.Бадарч хамгийн түрүүнд учраа бөхөө өвдөг шороодууллаа. Тэрбээр, энэ даваанд шинээр харцага цолны болзол хангаад буй Архангай аймгийн Хашаат сумын харьяат аймгийн арслан С.Сүхбатыг зүүн талд нь тахимдах мэхээр давсан юм.
