Ерөнхий сайд асан С.Баяр өөрийн албан ёсны цахим хуудсаараа дамжуулан Ерөнхий сайд Л.Оюун-Эрдэнийн талаар өөрийн байр суурийг илэрхийлжээ. Тэрбээр "Ерөнхий сайд Л.Оюун-Эрдэнэд дутагдал бий. Дутагдалгүй хэн байх вэ. Гэхдээ тэр өссөн. Тиймээс би дэмждэг. Урам өгөхийг хичээдэг. Учир нь, улс төрч төрийн зүтгэлтэн 2 ялгаатай. Нэг нь хүмүүст таалагдахыг л хичээнэ. Нөгөө нь таалагдахын сацуу үлдэцтэй юм хийх гэнэ. Эхнийх их амар, удаах их хэцүү.
Төр засгийн өнгөтэй өөдтэй ажлыг дэмжихээр “долигонов, пялдагдав, зөнөг залгав” гэх жиргээ заавал гарч ирдэг. Одоо ч гарч ирэх л биз. 70 дөхөж яваа мань мэтэд хэн нэгэнд тал засах хэрэг үгүй. Харин ажил хийж, зүтгэж буй залууст урам өгөх хэрэгцээ бол бий…" гэжээ.
