Эрүүл мэндийн яамнаас мэдээлэл хийлээ.

Зоонозын өвчин судлалын үндэсний төвийн захирал Н.Цогбадрах: Ховд аймагт тарваган тахлын халдвар гараад байгаа. Зургаадугаар сарын 23-ны өдөр тарвага агнасантай холбоотойгоор хоёр хүн халдвар авсан. Хоёр өвчтөний биеийн байдал хүнд Ховд аймгийн БОЭТ болон Цэцэг сумын эмнэлэгт хэвтэн эмчлүүлж байна. Одоогоор нэгдүгээр хавьтал 147, хоёрдугаар хавьтал 504 хүнийг тандалт судлагааны үр дүнд илрүүлэн, нэгдүгээр хавьтлуудыг урьдчилан сэргийлэх эмчилгээнд хамруулаад байна. Нэгдүгээр хавьтлуудаас хамгийн ойрын хавьтал болох эмнэлгийн тусламж үзүүлсэн, оношилсон, дуудлаганд очсон гэх мэт 46 иргэнээс шинжилгээ авахад бүгд сөрөг гарсан.