УИХ-ын гишүүн асан Ц.Оюунгэрэлийн хүү Б.Идэр-Од нь АНУ-ын Канзасын Их сургуульд Нисэхийн инженерээр 2006-2010 онд суралцахдаа ИНЕГ-ын тэтгэлгээр суралцсан гэх мэдээлэл олон нийтэд ил болсон. Үүнтэй холбоотойгоор Б.Идэр-Од өөрийн албан ёсны цахим хаягаараа дамжуулан тайлбар өглөө.

Тэрбээр "Миний бие 100 хувийн АНУ-н талын сургалтын төлбөрийн тэтгэлэгээр 5 жил нисэхийн инженер мэргэжлээр сурч төгссөн.

Харин нялх байхдаа нисгэгч аавыгаа онгоцны ослоор алдсанаас хойш байгууллагаас нь тэтгэмж авч байгаагүй учраас оюутан байхдаа 5911 долларын дотуур байр, эрүүл мэндийн даатгалын тэтгэмж нисэхээс авсан.

Төгсөөд МИАТ компанид инженерээр 3 жил ажиллаад, ЖДҮ эрхэлж 180 гаруй чанартай ажлын байр бий болгосон билээ.

Сонгууль дөхөөд ээжийн маань эсрэг улс төрийн дайралт, харлуулах ПР их байгааг ойлгож байгаа. Гуйвуулж сэвж байгаа" гэв.