Улаанбаатар хотын Ерөнхий менежер М.Баяраа өнөөдөр нийслэлийн тохижилт, бүтээн байгуулалтын асуудлаар мэдээлэл хийсэн юм.

Энэ үеэр тэрбээр мэргэжлийн хяналтын газраас ашиглах боломжгүй гэсэн акт гарчихаад байгаа "Урт цагааны барилга"-ын асуудлаар мэдээлэл өгсөн юм. Тодруулбал тэрбээр "2018 онд Урт цагааныг өөрчлөх зургийн сонгон шалгаруулалт явагдсан. Урт цагаанд 20 гаруй жил түрээсэлсэн иргэд шүүхэд гомдол гаргасан. Тэд энэ байрнаас гарахгүй гээд тэмцээд явж буй.Улаанбаатар хотын захиргаанаас Урт цагааны барилгын усыг хаагаад, цахилгааныг тасалж, барилгын насжилт дууссан дүгнэлтийг гаргасан юм билээ. Энэ асуудал шийдэгдээгүй шүүхийн шатанд явж байгаа байх" хэмээн тайлбарлав.