Монгол Улсын 8 дахь удаагийн УИХ-ын сонгуулийн санал хураалтыг өнөөдөр зохион байгуулж байна. Санал хураалт өглөө 07 цагт эхэлсэн бөгөөд оройн 22 цаг хүртэл үргэлжлэх юм. Сонгуулийн ерөнхий хорооноос санал хураалтын ирцийн мэдээллийг 12:30, 17:30, 22:30 цагт нийтэд мэдээлнэ гэсэн юм.
Улсын хэмжээнд 2020 оны 06 дугаар сарын 23-ны өдрийн байдлаар сонгогчдын нэрийн жагсаалтад 2,000,624 иргэн байна. Мөн Монгол Улсын Их Хурлын сонгуулийн тухай хуулийн 20.7-д заасны дагуу “Түр хасав” тэмдэглээтэй 130,747 сонгогч бүртгэгдээд байна.
