Хөх хотын консул асан Д.Мөнх-Эрдэнэд холбогдох хэргийн шүүх хурал саяхан болж түүнд 3 жил 10 сарын хорих ялыг шүүхээс оноосон. Түүнийг ХЗДХ-ийн сайд асан Ц.Нямдорж, түүний хүү Н.Анхбаяр нарын гомдлоор шалгасан гэх мэдээлэл бий.

Уг асуудлаар ХЗДХ-ийн сайд асан Ц.Нямдорж мэдээлэл өглөө. Тэрбээр “Би яахаараа захиалга өгч хүн шийтгүүлдэг юм бэ. Хийсэн хэргийнхээ төлөө л хариуцлага хүлээж байгаа. Би болон миний хүү ямар нэг гомдол гаргаагүй. Доромжлуулахын хувьд зөндөө доромжлуулсан. Тэр болгоныг тэвчсэн. Гурван нялх хүүхэдтэй юм билээ. Хүүхдүүдийг нь бодоод гомдол гаргаагүй. Манай гэр дээгүүр дрон нисгэсэн нь өөрөө гурван жилийн ялтай. Гэтэл би гомдол гаргаагүй” гэв.