"Рио-2016" олимпийн мөнгөн медальт, дэлхийн хошой аварга Италийн шилдэг бөх Франк Чамизо 2022 оны есдүгээр сард Белградад болсон ДАШТ-ий 74 кг-ын жинд хүрэл медаль хүртсэн ч хориотой бодис хэрэглэсэн нь тогтоогдож медалиа хураалгахаар болов. Ингэснээр Белградад гуравдугаар байрын төлөө түүнд ялагдсан Туркийн бөх Сонер Демирташт хүрэл медаль очихоор болсон байна.

Кубээс гаралтай, 30 настай Чамизогийн барилдах эрхийг хэдий хугацаанд хассаныг албан ёсоор зарлаагүй ч ирэх жил Парисын олимпод оролцохгүй байх ч аюул нүүрлээд байгаа юм.