Хөгжлийн банкны зээлийн асуудлаарх сонсгол гурав дахь өдрөө үргэлжилж байна. Ноолуур 2019 хөтөлбөрийн хүрээнд арилжааны банкуудаар дамжуулан олгосон зээлийг хэлэлцэж байгаа юм. Энэ үеэр "ЭМ ЭМ ЖИ Капитал" ХХК-ийн зээлийн асуудлыг хэлэлцлээ. Эл компани нь 2018 онд Хөгжлийн Банкнаас Худалдаа хөгжлийн банкаар дамжуулан ноолуур боловсруулах хөтөлбөрийг санхүүжүүлэхээр 10 тэрбум төгрөгийн зээл авчээ. Тус компанийн 50 хувийн хувьцааг Р.Ачсүрэн, 50 хувийг УБЦТС ТӨХК-ийн гүйцэтгэх захирал асан Д.Баярсайхан байна. Ингэхдээ зээлийн нийт санхүүжилтийг бэлнээр зарлагадан авч, тухайн өдрөө тусгай нөхцөлт хадгаламжийн 5 дансанд хуваан байршуулсан аж. Тухайн зээлээс гадна 2015 онд 1 тэрбум, 2019 онд 2 тэрбум ингэснээр нийт 13 тэрбум төгрөгийн зээл авсан байна.