Хөгжлийн банкны зээлийн асуудлаарх сонсгол гурав дахь өдрөө үргэлжилж байна. Ноолуур 2019 хөтөлбөрийн хүрээнд арилжааны банкуудаар дамжуулан олгосон зээлийг хэлэлцэж байгаа юм. Энэ үеэр ХБ-наас ноолууран бүтээгдэхүүний үйлдвэрлэлийн төслийн хүрээнд 12 тэрбум төгрөгийн зээл авсан ч одоогоор 1.8 тэрбум төгрөгийн зээлийн үлдэгдэлтэй муу ангилалд багтсан "Осин" ХХК-ийн талаарх мэдээллийг танилцуулсан юм.

Эл компани нь зээл авах үедээ Голомт банканд чанаргүй зээлийн үлдэгдэлтэй байсан бөгөөд банкны танилцуулгад эрсдэлтэй тул татгалзах саналтай дурдсан байхад зээлийг санхүүжүүлжээ. "Осин" ХХК нь ЕТГ-ын дарга асан Пунцагийн Цагааны дүү П.Бат-Очийн 100 хувийн хувьцаа эзэмшлийн компани аж.