Хөгжлийн банкны сонсгол Төрийн ордонд дөрөв дэх өдрөө үргэлжилж байна. Сонсголоор ТОСК ТӨХХК-ийн "Хөдөлгөөнт цогцолбор" төслийн ХБ-наас авсан зээлийн асуудлыг хэлэлцэж байна. Эл төслийн сонсголтой холбогдуулан таван этгээдийг гэрчээр дууджээ.

Тодруулбал, Ерөнхий сайд асан Ч.Сайханбилэгтэй холбоо барьж чадаагүй байна. Харин тухайн үед Сангийн сайдаар ажиллаж байсан Б.Болортой холбогдсон боловч түр хорооны сонсголд дуудсан зарыг сонсоод "Тийм хүн байхгүй" гэдэг хариу өгсөн байна. Мөн Орос 3-р сургуулийн захирлын туслахаар дамжуулан холбогдсон боловч утсаа салгаад хариу өгөөгүй аж. Түүнчлэн Батлан хамгаалах яамнаас гурван гэрчийг дууджээ.