Хөгжлийн банкнаас олгосон зээл, түүний эргэн төлөлтийг шалгах УИХ-ын Хянан шалгах түр хорооны нотлох баримтыг шинжлэн судлах эхний сонсгол Төрийн ордонд болж байна. Сонсголоор, Хөгжлийн банкнаас шууд санхүүжүүлсэн 3.5 их наяд төгрөгийн дүн бүхий 77 зээлдэгчтэй холбоотой асуудлыг хөндөж буй.

"Бэрэн Групп" ХХК-ийн зээлийн асуудлыг хэлэлцэх үеэр хурал даргалагч, УИХ-ын гишүүн Б.Энхбаяр "Бэрэн Групп" ХХК-ийн Ерөнхий захирал Б.Мөнхтөрөөс "Та казино тоглодог уу, Макао чөлөөт бүс дэх казиногийн АТМ-аас их хэмжээний мөнгө авсан банкны хуулгууд байна" хэмээн тодруулахад Б.Мөнхтөр дараах тайлбарыг өглөө.