Өнөөдөр буюу 2022-11-18-ны өдөр Архангайн нутаг, Өвөрхангайн хойд, Булганы өмнөд, Төв аймгийн нийт нутгаар их хэмжээний цас орж Говь-Алтай, Баянхонгор, Өвөрхангай, Өмнөговь аймгуудын нутгаар салхи секундэд 18-20 метр хүрч ширүүснэ.

Авто замын зорчих хэсэгт цасан давхарга үүсэх, шөнөдөө мөстөж халтиргаа гулгаа нэмэгдэх тул орон нутагт зорчиж буй иргэд, жолооч нар тээврийн хэрэгслийн техникийн бэлэн байдлыг хангах, өвлийн дугуй тавих, замын нөхцөл байдалд тохирсон хурдыг сонгож тээвэрлэлт гүйцэтгэхийг онцгойлон анхааруулж байна гэж Авто тээврийн Үндэсний төвөөс анхаарууллаа.