ЭМЯ, ХӨСҮТ-ээс коронавирусний халдвартай холбоотой цаг үеийн асуудлаар мэдээлэл хийж байна.
Мэдээллийн үеэр ХӨСҮТ-ийн захирал Д.Нямхүү “Өчигдөр ХӨСҮТ-д нэг эмэгтэй амаржиж, охинтой боллоо. Амаржсан эмэгтэй нь хоёр удаагийн давтан шинжилгээнд хамрагдаж, хариу сөрөг гарсан.
ХӨСҮТ-ийн хоёр лаборатори, Дархан-Уул аймгийн лаборатори, ЗӨСҮТ-ийн салбар лабораторид 675 хүнд шинжилгээ хийлээ. ХӨСҮТ-д тусгаарлагдаж байсан нэг иргэнд халдвар илэрлээ.
ОХУ-аас ирсэн 340 оюутанд шинжилгээ хийхэд 18-д нь халдвар илэрлээ. Ингэснээр Монгол Улсад бүртгэгдсэн халдварын тохиолдол 61 боллоо.
ХӨСҮТ-д 132 хүн хяналт, ажиглалтад болон эмчилгээ хийлгэж байна. Эмчилгээ хийлгэж байгаа хүмүүсийн биеийн байдал тогтвортой байна. Хоёр хүний шинж тэмдэг арилсан, эмнэлгээс гарахад бэлэн байгаа ч нэг сорьцод вирус илэрч байгаа тул эмчилгээг үргэлжлүүлж, бүх шинжилгээ сөрөгжвөл эмнэлгээс гаргаж, ажиглалт шинжүүлнэ" гэв.
У.БИЛГҮҮН
