Монгол Улсын 2022 оны төсвийг тодотгож, нийт 18 сая тонн нүүрс худалдаалахаар төлөвлөсөн билээ. Тэгвэл нүүрсний экспорт энэ сарын 6-ны өдрийн байдлаар 108.3 хувийн гүйцэтгэлтэй гарч, энэ оны төлөвлөгөөндөө хүрчээ. Тухайлбал оны эхнээс 19,5 сая тонн нүүрс гарснаар нүүрс экспорт өмнөх оны мөн үеийн хэмжээнээс 6,902 мянган тонноор буюу 55 хувийн өсөлттэй гарчээ.

Оны эхнээс 1,112.4 мянган тонн зэсийн баяжмал экспортолсон нь өнгөрөгч оны мөн үеэс 7 хувийн өсөлттэй байна.

Харин төмрийн хүдэр, баяжмалын тухайд оны эхнээс нийт 3,449.4 мянган тонныг экспортолсон нь өнгөрөгч оны мөн үеэс 43 хувиар буурав.

Төв банк оны эхнээс 10 дугаар сарын 6-ны өдрийн байдлаар 15 тонн алт худалдан авчээ.

Эрдэс бүтээгдэхүүний нийт экспорт дунджаар 76.4 хувийн гүйцэтгэлтэй байна. Тухайлбал, нүүрс 108.3 хувь зэсийн баяжмал 91.7 хувь, төмөр 68.2 хувь, алт 75 хувь, газрын тос 42.2 хувь, цайр 111.9 хувь, хайлуур жонш 37.6 хувь тус тус байна.