Хууль зүйн сайд Х.Нямбаатар "Жапан таун"-ы газрыг улс төрийн хүрээнийхэн, хуулийнхан нийлж хувааж авсан талаар хэллээ. Тэрбээр,
"Жапан таун"-ы газрыг улстөрчид, хууль хяналтынхан нийлж байгаад дээрэмдсэн. Энэ хэрэг шалгагдаад явж байна. Хохирогч нь 70 настай "Суруга" компанийн эзнийг монголд авч ирж том хөрөнгө оруулалт хийнэ гэж газраа худалдчихаад зочид буудалд нь өвс тавьж байгаад, хар тамхины хэргээр шалгана гэж айлгаж явуулаад, бүх газрыг нь хуваагаад авчихсан. Одоогоор “Суруга“-гийн хохирогч 70 настай Япон иргэнийг авч ирэхээр ажиллаж байна Прокурорын байгууллагад байсан, ТЕГ-ыг удирдаж байсан, ЕТГ, УИХ-ын институтад ажиллаж байсан хүмүүс газрыг нь хувааж авсан" гэв.
