Улс төрийн хилс хэрэгт хэлмэгдэгсдийн дурсгалыг хүндэтгэх өдрийг тохиолдуулан ардчилсан намын дарга С.Эрдэнэ тэргүүтэй ардчилсан намын гишүүд хэлмэдэгсдийн хөшөөнд хүндэтгэл үзүүллээ.

Ардчилсан намын дарга С.Эрдэнэ:

"Монголын ард түмний буурал түүхийн нэн эмгэнэлтэй, сургамжтай, бас заавал нэхэн дурсаж санаж явах учиртай хүнд адармаатай амьдралын нэгээхэн зурвас үe бол бүх нийтийг хамарсан Улс төрийн их хэлмэгдүүлэлт юм.

Улс төрийн их хэлмэгдүүлэлт Монголын нийгмийн бүх давхаргыг хамарч, төр нийгмийн зүтгэлтэн, цэргийн дарга, тайж, ноёд, олон мянган лам, хуврагууд, жирийн иргэд хэлмэгдэж байсныг түүх мартах учиргүй" хэмээв.