Туркийн нийслэл Станбул хотод пауэрлифтингийн өсвөр үе, залуучуудын дэлхийн аварга шалгаруулах тэмцээн болж байна. Уг тэмцээн наймдугаар сарын 26-нд эхэлсэн ба есдүгээр сарын 04-ний өдөр хүртэл үргэлжлэх юм.

Тэгвэл уг тэмцээнд манай улсаас дасгалжуулагч Х.Энхболдын удирдлага дор есөн тамирчин өрсөлдсөн ба хоёр тамирчин нэг мөнгө, хоёр хүрэл медаль хүртлээ.

Тухайлбал, тэмцээний өсвөр үеийнхний газраас таталтын 66 кг-ын жинд Ц.Баярбаясгалант 200 кг-ыг татсанаар мөнгө, суултын төрөлд 202.5 кг-ыг амжилттай өргөснөөр хүрэл медаль хүртлээ. Харин залуучуудын хэвтээ шахалтын 66 кг-ын жинд М.Ууганбаяр 145 кг-ыг шахсанаар хүрэл медаль хүртсэн бөгөөд Монголын пауэрлифтингийн баг одоогийн байдлаар нэг мөнгө, хоёр хүрэл медальтай байна.