БНСУ-д монгол улсын иргэн нэгнээ дарамталж жилийн хугацаанд бусадтай хүсээгүй байхад нь бэлгийн харьцаанд оруулдаг байсан байж болзошгүй хэрэг гарчээ. Тухайн хэргийн хохирогч эмэгтэй БНСУ дахь гадаад иргэдийн эрхийг хамгаалах ТББ-д хандсанаар асуудал ийнхүү ил болсон аж. Эмэгтэйн хувьд эл үйлдэл удаа дараа давтагдсан гэдгийг хэлж байгаа бөгөөд цагдаагийн байгууллагад хандсаны дараагаар дарамт, заналхийлэл ирэх болсон гэжээ. Түүнчлэн хэрэгт сэжиглэгдэж буй этгээд Монгол руу буцсан тул бүсгүй ар гэрийнхэнд нь аюул учрах вий гэдгээс болгоомжилж байгаа талаараа Гадаад иргэдийн эрхийг хамгаалах ТББ-д өгсөн яриандаа дурджээ. Энэ талаар бид эргэн мэдээлэх болно.