БНАСАУ-ын удирдагч Ким Чен Ун COVID-19-ийн эсрэг яаралтай кампанит ажилд ялалт байгуулснаа зарлалаа гэж тус улсын Төрийн хэвлэл мэдээлжээ.

Солонгосын албан ёсны төв мэдээллийн агентлаг (KCNA) мэдээлснээр, Ким өнгөрсөн өдөр Пхеньянд тэргүүлсэн тахал өвчний эсрэг арга хэмжээний үндэсний уулзалтын үеэр энэ тухай мэдэгдсэн байна.

Тэрбээр "Манай нутаг дэвсгэрт нэвтэрсэн шинэ төрлийн коронавирусийг устгаж, хүмүүсийн амь нас, эрүүл мэндийг хамгаалахын тулд тахал өвчний эсрэг онцгой кампанит ажилд ялалт байгуулснаа ёслол төгөлдөр зарлаж байна" гэжээ.

Эх сурвалж: Yonhap news