БНСУ-ын Сөүл болон Кёнги хотуудад сүүлийн 80 жилд тохиолдож байгаагүй хүчтэй аадар бороо орж, байшин, машин, барилга байгууламж, метроны буудлууд үерт автаад байгаа юм. Өнөөдрийн байдлаар үерийн улмаас 7 хүн нас барж, зургаан хүн сураггүй болоод байсан бол дахин нэг хүн нас барсан гэж Yonhapnews агентлагт мэдээлээд буй. Түүнчлэн Сөүл хотод зарим метроны зогсоолуудыг хаагаад байсан юм.

Тэгвэл үүсээд буй нөхцөл байдалд Сөүл хотын зүгээс яаралтай арга хэмжээг авч ажиллаж байгаа ба метроны зогсоолуудыг хэвийн үйл ажиллагаанд оруулж эхэлжээ. Тодруулбал, өнөөдөр 18:00 цагаас эхлэн бүх чиглэлийн метро хэвийн цагийн хуваарийн дагуу явж эхэлсэн байна.