Өнгөрөгч зургаадугаар сарын 22-нд Чежү рүү зорчсон манай улсын 23 иргэний тав нь визгүй зорчих хугацаандаа БНСУ-аас гарч, 18 иргэн хугацаа хэтрүүлэн үлдээд буй. Хууль бусаар байгаа гадаадын иргэдийг олж тогтоох, албадан гаргах ажиллагааг БНСУ-ын хууль хяналтын байгууллага хэрэгжүүлдэг ба өнгөрөгч долоодугаар сарын 22-ноос эхлэн тус иргэдийг эрэн сурвалжилж эхэлсэн талаар тус улсын Цагаачлалын албанаас мэдээлсэн.

Үүнтэй холбоотойгоор манай улсын иргэдийн дунд Жэжү арал руу визгүй зорчих хөнгөлөлтийг цуцлах эрсдлийг бий болгосон байж болзошгүй хэмээн болгоомжилж буй. Тус мэдээлэлд ГХЯ-наас "БНСУ-ын Хууль зүйн яам, Цагаачлалын албанаас Чежү арал руу визгүй зорчих хөнгөлөлтийг цуцлах эсэх албан ёсны шийдвэр гаргаагүй хэвийн нэвтрүүлж байгаа" гэлээ.