Завхан аймгийн Баянтэс суманд зохион байгуулагдсан хурдан морины уралдааны үеэр нэг хүүхэд моринд чирэгдэж амиа алдсан хэрэг гарчээ. Энэ талаар Гэр бүл, хүүхэд, залуучуудын хөгжлийн газраас мэдээлснээр амиа алдсан унаач хүүхэд нь долоон настай байжээ.

Өөрөөр хэлбэл, Үндэсний их баяр наадмын тухай хуульд унаач хүүхдийн насны доод хэмжээг 8 хэмээн заасан байдаг. Гэвч тус уралдаанд долоон настай оролцуулснаас амиа алдсан хэргийг шалгаж, холбогдох хариуцлага хүлээлгэх талаар санал хүсэлтээ ГБХЗХГ-аас цагдаагийн байгууллагад хүргүүлсэн байгаа аж.