Хятад Улс COVID-19 халдварын эсрэг хатуу арга хэмжээгээ үргэлжлүүлсээр байгаа билээ. Тухайлбал тус улсын өмнөд хэсэгт байрлах Бейхай хотын амралтын газарт халдварын тархалтыг зогсоох зорилгоор хөл хорио тогтоосны улмаас 2000 жуулчин хөл хорионд байгаа гэж "CNN" агентлаг мэдээллээ

Гуанши муж дахь цагаан элсэн далайн эрэг, галт уул, арлаараа алдартай Бейхай хотод өнгөрсөн долоо хоногт 500 хүнээс халдвар илэрсэн байна.

Хотын захиргаа өчигдрөөс эхлэн хөл хорио тогтоож кино театр, арлын амралтын газруудыг хаасан бөгөөд оршин суугчдыг гэрээс гарахыг хоригложээ. Мөн хотын захиргааны хоёр албан тушаалтныг халдвараас урьдчилан сэргийлэх хангалттай арга хэмжээ аваагүй гэж ажлаас нь чөлөөлсөн байна.

Эх сурвалж: CNN