ЭМЯ-наас уламжлал ёсоор Ковид-19-ийн талаарх цаг үеийн мэдээллийг хүргэлээ. Энэ үеэр ЭМЯ-ны хэлтсийн дарга Д.Нарангэрэл:

"АНУ-ын Харвард болон Массачусетсийн их сургуулийн эрдэмтэн судлаачид коронавирус хүний хамрын хөндийн шүүрлийн эс, уушгины эс, гэдэсний шимэгдүүлэх эсүүдийг ихэвчлэн бай болгон довтолдог гэсэн судалгаа гаргасан байна. Үүнийг олж тогтоосноор коронавирусний эсрэг үр дүнтэй эм гаргаж авахад туслах чухал судалгаа боллоо хэмээн судлаачид үзэж байна" гэлээ.

Мөн тэрээр "Манай улсад амьсгалын аппаратын хүртээмж хангалттай байгаа. Тухайлбал, улсын хэмжээнд одоогоор нийт 425 амьсгалын аппарат ашиглаж байгаа. Саяхан шинээр  72 аппарат авсан. Дэлхийн банкны шугамаар дахиад 430 орчим аппарат авна" гэлээ.