"Бүрдэл майнинг" компани нь усны стандартаас хэтэрсэн бохир усыг удаа дараа Туул голд нийлүүлсэн гэж Туул голын сав газрын захиргаанаас мэдэгдсэн. Тодруулбал, Төв аймгийн Заамар сумын нутагт ашигт малтмал олборлох үйл ажиллагаа явуулж буй тус компани нь 2021 оны есдүгээр сарын 28-ны өдөр бохир ус нийлүүлж, мөн 2022 оны зургаадугаар сарын 24-ны өдөр дахин нийлүүлж байсныг тогтоосон тул "Бүрдэл Майнинг" ХХК-ийн ус ашиглах зөвшөөрөл, гэрээг цуцалсан байна.
Сануулахад, Төв аймгийн Заамар сум, Булган аймгийн Бүрэг хангай суманд тус тус үйл ажиллагаагаа явуулдаг "Эко Алтан Заамар" ХХК-ийн уурхайд 2019 онд осол гарч, 4 хүний амь эрсдэж байв. Уг ослын дараахан тэд нэрээ “Бүрдэл майнинг” болгон өөрчилсөн байдаг.
