Булган аймгийн Орхон сумын Мааньт багийн “Овоотын хөтөл” гэдэг газар зургаадугаар сарын 15-ны өдрийн 20:50 цагийн орчим 18-20 м/с хүртэл хүчтэй түр зуурын шороон шуурга шуурсны улмаас таван өрхийн гэр нурж, эвдэрсэн тухай мэдээллийг зургаадугаар сарын 16-ны өдрийн 14:06 цагт хүлээн авсан.

Сумын Засаг даргын Тамгын газраас ажлын хэсэг зургаадугаар сарын 16-ны өдөр тухайн газруудад очиж, нөхцөл байдалтай танилцсан бөгөөд шуурганд малчин Х, М, Д, О нарын 5 ханатай 4 гэр, М-ийн 4 ханатай нэг гэр тус тус нурж, эвдэрсэн мэдээллийг Мааньт багийн Засаг даргын Тамгын газрын дарга аймгийн Онцгой байдлын газарт мэдээлсэн.