Өнөөдөр Эрүүл мэндийн яамнаас хийсэн мэдээллээр "Интермед" эмнэлэгт эмчлүүлж байсан 69 настай эмэгтэйд түргэвчилсэн оношлуураар коронавирусний халдвар илэрсэн тухай мэдээлж байсан.

Тодруулбал, ХӨСҮТ-ийн захирал Д.Нямхүү “Интермед” эмнэлэгт эмчлүүлж байсан сүүлийн долоо хоног ханиалгасан, хоёр уушги хатгалгаатай гэх өвчний түүхтэй 69 настай иргэнд түргэвчилсэн оношлуураар хариу эерэг гарсан. Бид сорьцыг өнөө өглөө 05:00 цагийн үед  ХӨСҮТ-ийн лабораторид авчран шинжилж байна. Эхний хариу бол түргэвчилсэн оношлуураар гарсан тул PCR шинжилгээний хариунд үндэслэх нь чухал гэж үзэж байна. Шинжилгээний хариу үдээс хойш гарна" гэж байсан юм.

Харин хэдхэн минутын өмнө тус яамны фейсбүүк хуудсаар түргэвчилсэн оношлуурын хариу эерэг гарсан өвчтөний хариу PCR шинжилгээгээр үгүйсгэгдсэн талаар дараах байдлаар мэдээлэл хийлээ.