Баянгол дүүргийн 20 дугаар хороо, Ажилчны гудамжинд байрлах Гурвалжингийн хос гүүрний хөдөлгөөнийг дөрөвдүгээр сарын 22-27-ны өдрүүдэд түр хаан, засвар үйлчилгээ хийхээр болжээ. Учир нь гүүрний зүүн талын хэсэгт том оврын тээврийн хэрэгслийн хөдөлгөөн их байдгаас шалтгаалан хэв гажилтын заадаст эвдрэл гарсан тул заадас засварын ажил хийх аж.
Засварын хугацаанд гүүрийг бүрэн хаахгүй бөгөөд сөрөг хөдөлгөөнөөр зорчихоор зохион байгуулалтыг хийх тул зорчигчид замын ачааллыг тооцон хөдөлгөөнд оролцох боломжтой юм байна.
Эх сурвалж: Нийслэлийн авто замын хөгжлийн газар
