Нью-Йорк мужийн "Зүрхэн арал"-ыг оршуулгын цэг болгон ашиглаж байна. Зургийн эх сурвалж: The Guardian

Түлхүүр мэдээлэл:

• Нью-Йорк хотын захиргаанаас "Зүрхэн арал"-д Ковид-19-өөр нас барсан хүмүүсийн шарилыг хадгалж эхэлжээ.
• АНУ, тэр дундаа Нью-Йорк мужид өдөрт олон зуун хүн амиа алдаж, шарил чандарлах газрууд ачааллаа дийлэхээ больсноор ийм шийдэлд хүрчээ.
• Нас барснаас хойш 14 хоног ар гэрийнхэн нь нэхэмжлээгүй шарилыг уг арал дээр оршуулж байгаа аж.

Нью-Йорк хотын захиргаанаас тус мужийн "Зүрхэн арал"-ыг албан ёсоор оршуулгын цэг болгожээ.

Улмаар 40 тоннын хөлдөөгч контейнерт хадгалагдаж байсан шарилуудыг 14 хоног ар гэрээс нь нэхэмжлээгүй бол тус арал дээр оршуулж байгаа аж. Өдөрт олон зуун хүн амь насаа алдаж байгаа тул шарил чандарлах газар ачааллаа дийлэхгүй болж эмнэлгийн коридор, агуулах бүгд дүүрсэн тул эмнэлгийн гадаа хөлдөөгч контейнер байрлуулаад байна.

Ийм учир Америкийн ерөнхийлөгч Д.Трамп ДЭМБ-д хандан үг хэлсэн юм. Тэрээр:

ДЭМБ-ийн ихэнх хөрөнгийн хандивлагчаар АНУ олон жилийн турш тэргүүлсээр ирсэн. Гэтэл эмнэлэгт орны хүрэлцээгүй болж, хүмүүсийн шарил нүдэн дээр овоорч байхад ДЭМБ үүрэг хариуцлагаа гээж огтоос тусласангүй. Ийм байдалд хүргэсэн ДЭМБ хариуцлагаа хүлээх ёстой. Хятад улсад вирус тархсан ч вирусын гарал үүслийг, үхлийн аюулыг нуун дарагдуулсаар байсан. Дэлхий даяар халдварлах аюултай байсныг Хятадын удирдагч нартай удаа дараа зөвшилд хүрч байсан ч тахлыг оройтон зарласан" гэж буруушаажээ.

Эх сурвалж: The Guardian