ЭМЯ, ХӨСҮТ-ээс коронавируст халдварын тархалттай холбоотой мэдээлэл хийж байна. 

Энэ үеэр ХӨСҮТ-ийн захирал Д.Нямхүү “Дөрөвдүгээр сарын 15-ны байдлаар Монгол Улсын хэмжээнд коронавируст халдварын сэжигтэй тохиолдол бүртгэгдээгүй. Өчигдөр 84 хүнд шинжилгээ хийлээ. Алтанбулаг боомтод ажиллаад ирсэн эмч, ажилтан, тээврийн жолооч нарын 44 хүнд шинжилгээ хийхэд коронавирус илрээгүй.

ОХУ-аас ирж “Амар” зочид буудалд тусгаарлагдсан 11 иргэний давтан шинжилгээ хийгдсэн. Үүний 10-д нь халдвар илрээгүй, нэг иргэнд халдвар илэрлээ. Ингэснээр Монгол Улсын хэмжээнд 31 тохиолдол бүртгэгдлээ.

Мөн ХӨСҮТ-д эмчлэгдэж гарсан таван иргэний илдсэнд эсрэг бие илрүүлэх шинжилгээ хийхэд вирусийн эсрэг бие илэрсэн” гэв.