Засгийн газрын ээлжит хуралдаан боллоо. Энэ үеэр Эрүүгийн хуулийн нэмэлт өөрчлөлтийн талаар Хууль зүй, дотоод хэргийн сайд Х.Нямбаатар "Өмчлөх эрхийн эсрэг гэмт хэрэгт томоохон зарчмын өөрчлөлтийг оруулж ирж байгаа. Тодруулбал, хулгайн гэмт хэргийг хохирлоос нь шалтгаалан шийддэг байсныг өөрчилнө. Ингэхдээ зорилго сэдлийнхээ хувьд хүний өмчлөх эрхэнд халдаж буй үйлдэл. Өөрөөр хэлбэл, жижиг хулгай аль эсхүл том хулгай гэж ялгалгүй хулгайн гэмт хэрэгт эрүүгийн хуулиар хариуцлага хүлээлгэнэ" гэв.