Шадар сайд С.Амарсайхан Монголын ипотекийн корпораци нь ипотекийн зээл авсан иргэдэд зуучилсан нэрийдлээр хувь авч, луйварддаг хэмээн мэдээлсэн. Тиймээс Монголын ипотекийн корпорациас уг асуудлаар тайлбар мэдээлэл өгөхөөр болжээ. Мэдээллийг Монгол ньюс мэдээллийн төвд 11.30 цагт хийх юм байна.
Сануулахад, Шадар сайд С.Амарсайхан "Энэ компани иргэдийн төлж буй 8 хувийн ипотекийн зээлийн 2-3 хувийг нь авдаг гэсэн үг. Банкнаас зээл аваад нь зүгээр байрныхаа төлбөрийг төлж байхад дунд нь зуучлалд мөнгө өгдөг схемийг бий болгосон байна. Иргэдэд ипотекийн зээл зуучилсан гэдгээрээ хувь авч, луйварддаг байсан. Төрийн өмчийг нь ч хулгайлаад, иргэдийнх нь халаас, цалингаас ч суйлаад гар дүрээгүй, оролцоогүй асуудал байхгүй иргэд, төр засаг гэлтгүй бүх салбараас хумсалж байна" хэмээсэн байдаг.
