"Татварын ёс зүй" хэлэлцүүлэг өнөөдөр /2022.04.12/ болж байна. Энэ үеэр Рио Тинто компанийн зүгээс Монгол Улсад төлсөн татвар төлөлтийн талаар мэдээлэл өглөө. Тодруулбал "Рио Тинто компанийн хувьд 2010 оноос хойш өөрийнхөө төлсөн татварыг ил тод нээлттэйгээр олон нийтэд зарлаж ирсэн. Өнгөрсөн оны хувьд буюу 2021 онд Рио Тинто компани Монгол Улсад 544 сая ам.долларын татвар төлсөн байна. Татвар төлсөн зургаан төгрөг болгоны нэг төгрөг нь Оюутолгой, Рио Тинто компаниас төлөгдөж байна гэж ойлгож болно. Мөнгөн дүнгийн хувьд Монгол Улсын Хөдөлмөр нийгэм хамгааллын нэг жилийн төсөвтэй дүйцэхүйц мөнгөн дүн гэж ойлгож болох юм" гэв.