Засгийн газраас УИХ-д Олон улсын хямралт нөхцөл байдлаас үүдэлтэй гол нэр төрлийн бараа, бүтээгдэхүүний үнийн өсөлт, хомсдолоос сэргийлэх, сөрөг нөлөөллийг бууруулах тухай хуулийн төсөл өргөн барьсан.

Үүнтэй холбогдуулан УИХ-ын дарга Г.Занданшатар захирамж гаргаж, ажлын хэсэг байгуулсан. Уг ажлын хэсэг өчигдөр Төрийн ордонд хуралдсан. Энэ үеэр УИХ-ын дарга Г.Занданшатар "Маргаашаас УИХ-ын харьяа байгууллагуудын удирдлага хотод "570, 200" унахгүй байх шийдвэрийг гаргасан.

Тэгвэл өнөөдөр МАН-ын бүлгийн хурал болсон. Тус бүлгийн гишүүд хурлаас гарсан шийдвэрийг танилцуулж мэдээлэл өгсөн. Энэ үеэр УИХ дахь МАН-ын бүлгийн гишүүн Д.Тогтохсүрэн "Зөвхөн УИХ-ын дэд дарга нар албаны машин унадаг, бусад гишүүд бүгд хувийн унаагаараа явдаг. Ордны хашаан дотор байгаа гишүүдийн том машинууд бүгд хувийнх, албаны том тэрэг байхгүй гэдгийг хариуцлагатайгаар мэдэгдье" гэв.

Мөн "570, 200" унахгүй гэдэг нь машины төрөл заагаагүй, моторын хэмжээ заасан гэдгийг УИХ-ын гишүүн, Төсвийн байнгын хорооны дарга Ч.Хүрэлбаатар нэмж хэллээ.